bachpan ki manind kyun behisaab nahin aate?
kya sota nahin hoon main
ya ab kalpana hi ksheen hai?
ya fir pehle jaisi ab
aati nahin wo neend hai?
ichchaon ki kami hai ya
pane ki chaah hi prabal nahin?
sab kuchh to paya nahin hai fir
kyun chahton me bal nahin?
yatharth ki lakeer kya
gehri khichi hai mastak mein?
kyun tej nahin dikhta hai ab
chhote sapno ki dastak mein?
sapnon ki kshanbhangurta ki
kya tees ho uthi tez hai?
sapnon se chalti yeh duniya
kyun sapnon se parhez hai?
